GENERAL SANTOS CITY – Mas daghan ang ihap sa bag-ong nagmaayo kaysa sa bag-ong kaso sa Coronavirus disease 2019 sa rehiyon dose kagahapon.
Sa ulahing report sa DOH – Center for Health Development Soccsksargen Region, mukabat sa 32 ang nakarekober og 11 ang bag-ong nagpositibo sa sakit.
Sa taho usab sa DOH, may usa nga nakabsan sa kinabuhi gikan sa General Santos City.
Gumikan niini, mukabat na sa 2,232 ang kaso sa COVID 19 sa GenSan, miubos sa 83 ang aktibong kaso gikan sa 90 sa miaging adlaw og 89 na ang patay.
Sa South Cotabato adunay 1,781 ka kaso, 77 ang active cases og 49 ang patay.
Sa North Cotabato adunay 987 ka kaso, 59 ang active cases og 53 ang patay.
Sa Sultan Kudarat adunay 661 ka kaso, 49 ang active cases og 18 ang patay.
Sa Sarangani adunay 615 ka kaso, 11 na lang ang aktibong kaso gikan sa 23 sa miaging adlaw og 18 ang patay.
Sa katibuk-an adunay 6,276 ang COVID-19 confirmed cases sa rehiyon kung asa 279 (4.46%) ang active cases, 5768 (91.9%) recoveries ang recoveries og 227 (3.62%) ang COVID-19 related deaths.
