GENERAL SANTOS CITY – Mukabat sa 19 ka bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Natala usab ang 15 ka bag-ong nakarekober og walay nareport nga COVID 19 related death.
Sa 19 ka bag-ong kaso, lima ang gikan sa GenSan, upat sa Koronadal City, unom sa Tampakan sa South Cotabato, og upat Cotabato Province kung asa tig -usa niini gikan sa Alamada og M’lang og duha sa Kabacan.
Gumikan niini anaa na sa 2,230 ang kaso sa COVID 19 sa GenSan, kung asa 90 ang active cases og 88 ang patay.
Sa South Cotabato adunay 1,778 ka kaso, 81 ang active cases og 49 ang patay. Sa Cotabato adunay 984 ka kaso, 59 ang active cases og 53 ang patay.
Sa Sultan Kudarat adunay 658 ka kaso, 48 ang active cases og 18 ang patay. Sa Sarangani adunay 615 ka kaso, 23 ang active cases og 18 ang patay.
Sa katibuk-an adunay 6,265 COVID-19 confirmed cases sa Region 12 kung asa 301 kon 4.80% ang active cases, 5,736 kon 91.56% ang recoveries og 226 kon 3.61% ang COVID-19 related deaths.
