GENERAL SANTOS CITY– Nagpadala na og letter of intent (LOI) ang lokal nga panggamhanan sa duha ka mga giant vaccine makers alang sa planong pagpalit og Covid-19 vaccines.
Kini ang gikumpirma ni General Santos City Health Office chief Dr. Rochelle Oco kung asa sumala pa niini nga gikan sa AstraZeneca ug Novavax ang 640,000 doses sa bakuna nga planong paliton.
Matod pa ni Dr. Oco, daghang mga local government units usab sa Pilipinas ang gapaningkamot nga makakuha ug suplay. Sa kagustuhan sa syudad nga makasiguro sa pag-angkon ug alokasyon sa naasoyng mga bakuna, gihimo nilang sayo ang pagtunol sa maong LOI.
Gibutyag niini nga sa maong ihap sa bakuna, gilaumang maturokan niini ang anaa sa 300,000 eligible residents sa siyudad.
Dugang pa ni Dra. Oco, gilauman nga magsugod ang delivery sa maong mga tambal sa third quarter ning kasamtangang tuig.
