GENERAL SANTOS CITY – Kapin semana na ang nasayang nga adlaw alang sa mga personahe sa Business Permits and Licensing Division (BPLD) aron sa pag-inspeksyon sa tanang mga establismento sa dakbayan kung adunay mga business permits.
Matud pa ni BPLD Division Chief Geraldine Zamora, sa kasamtangan wala pa masugdan sa ilang buhatan ang ipahigayong pag-inspeksyon nga unta gisugdan kaniadton pang Feb. 15 2021.
Giklaro niini nga walay magamit nga sakyanan ang ilang mga inspectors aron suyuron ang mga business establishments palibot sa syudad.
Gibutyag ni Zamora nga hulaton na lang nga maayo ang duha ka sakyanan sa BPLD apan nanghinaut nga mahuman sa daling panahon.
Samtang, nagpahiyom na lang si Zamora dihang gisultihan kung may government head ba sa city hall ang magpahulam unta og sakyanan alang sa ipahigayong inspeksyon.
