GENERAL SANTOS CITY – Andam na ang Bureau of Fire Protection (BFP) GenSan sa mga aktibidad alang sa bulan sa Marso nga gikonsiderang Fire Prevention Month.
Matud ni City Fire Marshal C/Insp. Reginald Legaste , tumong sa lain-laing aktbidad nga ipahigayon nga maablihan ang kahibalo sa publiko sa kamahinungdanon sa paglikay sa sunog.
Gibutyag sa maong opisyal, usa sa mga aktibidad nga himuon sa BFP ang pagpahigayon og lectures and drills alang sa fire safety and prevention.
Sa pamahayag ni Legaste nga sa kasamtangan nakatutok ang BFP sa mga business establishments og government offices human nga nagpadala kanila og request aron magpahigayon og fire safety and prevention seminar.
Sa taho sa BFP-GenSan nga sugod Enero hangtod Pebrero mukabat sa lima(5) ang girespondihan nga sunog sa dakbayan.
Alayon niini, nagpahimangno si Legaste sa publiko nga ibton ang appliances gikan sa saksakan ug siguruhon usab nga gisirado ang tangke sa liquified petroleum gas (LPG) kun muhawa sa balay.
