GENERAL SANTOS CITY – Nadawat na sa lima ka kanhi sakop sa New Peoples Army (NPA)ang pinansyal hinabang nga P15,000 ug tag usa ka sako sa bugas gikan sa gobyerno.
Kini human gitugyan sa kanhi mga rebelde ang bitbit nilang armas atul sa pagkanaug sa bukid.
Pinaagi sa Enhanced Comprehensive Local Integration Program (e-CLIP) matabangan ang mga nahisgutan alang sa pagbag-o sa ilang panginabuhi ang mga kanhi sakop sa Far South Mindanao Region nga naglihok sa Sarangani Province ug Palimbang, Sultan Kudarat.
Kahinumduman nga gisurender sa mga nahisgutan ang M14 Rifle, duha ka 9mm sub-machine guns ug duha ka cal. 357 revolver .
Nasuta nga mihatag usab ug hinabang ang LGU Lebak alang sa mga nahisgutan aron magamit sa ilang pagbalik kauban sa ilang mga pamilya.
