GENERAL SANTOS CITY – Gapangita og mga pamaagi ang mga otoridad aron nga may panginabuhian ang mga anaa sa kabukirang bahin sa Tampakan , South Cotabato province nga adunay plantasyon sa mariwana.
Matud pa kang Philippine Drug Enforcement Agency (PDEA) 12 Director Naravy Duquiatan, nga nakig-alayon siya sa lokal nga gobyerno sa Tampakan aron may alternatibong kita ang mga residente ilabi ang ubang miyembro sa Blaan.
Kahibaluan nga sa miaging mga adlaw gipahigayon sa PDEA 12 og PNP 12 ang ceremonial burning 13,000 ka mga giibot nga punuan sa mariwana sa Sitio Bong Sbang, Barangay Danlag sa Tampakan nga nagkantidad og P2.6 million.
Ang plantasyon ang makit-an sa tri-boundaries sa Columbio sa Sultan Kudarat, Malungon sa Sarangani og Kiblawan sa Davao del Sur.
