GENERAL SANTOS CITY – Nasuta nga 54 ka bag-ong kaso sa COVID 19 ang natala base sa labing ulahing report sa DOH – Center for Health Development Soccsksargen Region.
Sa nasampit nga ihap 23 ang gikan sa Sultan Kudarat, siyam sa Sarangani Province nga walo gikan sa Malungon, og usa sa Kiamba, unom sa North Cotabato, lima sa South Cotabato og upat sa GenSan.
Sa pagkakaron mukabat sa 1,499 ang kaso sa COVID 19 sa GenSan, 96 ang active cases og 66 ang patay.
Ang South Cotabato ang may 1,250 ang COVID cases, 94 ang active cases og 29 ang patay.
Ang Sarangani ang adunay 467 ka kaso, 39 ang active cases og 15 ang patay.
Ang North Cotabato ang may 479 ka kaso, 89 ang active cases og 24 ang nagtaliwan.
Ang Sultan Kudarat ang may 406 ka COVID cases, 116 ang active cases og 12 ang nakabsan sa kinabuhi.
Sa katibuk-an adunay 4,101 ang COVID-19 confirmed cases sa Region 12 kung asa 434 o 10.58% ang active cases, 3,520 o 85.83% ang recoveries og 146 o 3.56% ang COVID-19 related deaths.
