(UPDATE) GENERAL SANTOS CITY – Adunay person of interes na ang kapulisan kalabutan sa pagpusil patay sa usa ka tomboy sa miaging adlaw sa diversion road ning lahos Mabuhay ning syudad.
Matud pa kang City PNP Director Col. Gilberto Tuzon, nga may motibo na sila nga gitutukan og gilauman nga mapasaka na ang kaso batok sa mipusil patay kang Sarah Militante.
Hinoon wala na naghatag og dugang detalye ang maong opisyal kalabutan sa kaso tungod padayon pa ang imbestigasyon.
Samtang gibutyag ni Col. Tuzon nga unom o pito ka kaso sa shooting incidents sa miaging Disyemebre ang gilauman nga mapasaka karong semanaha.
Kahibaluan nga sa miaging Disyembre 11 ka shooting incidents ang nahitabo sa syudad butang nga gikaalarma sa publiko.
Tungod niini nagpagawas og kamanduan ni Col. Tuzon sa iyang mga chief of police nga angayang makasuhan ang mga responsable sulod sa duha ka semana og kung dili matigayon may drastic move nga himoon ang iyang opisina.
