GENERAL SANTOS CITY – Gapahimangno ang Business Permit and Licensing Division (BPLD) sa mga magrenew sa ilang business permit nga hugot nga ipatuman ang mga health protocols sa investment building.
Matud pa ni Geraldine Zamora, labaw sa BPLD nga ang tumong niini alang gihapon sa tanan aron malikayan nga matakdan sa COVID 19.
Sa pamahayag ni Zamora nga sa Lunes Enero 4, 2021 magsugod ang tinuig nga renewal sa business permit nga mulungtad hangtud sa Enero 20 apan gilauman nga basin mahatagan og lugway.
Gumikan sa sitwasyon limitahan ang makasulod sa investment building aron mapatuman ang social distancing.
Sutaon ang temperatura sa mga musulod, angayang naka-facemask og faceshield.
Kahibaluan nga una mahuman ang tuig ang BPLD ang gapanawagan nga magkuha na og application sa ilang opisina aron dili madelatar ang pagkuha sa business permit.
Sa mga magrenew dad-on ang ulahing Enhance Quarantine Pass (EQP) sa mga residente sa GenSan og Tapat QR code sa mga dili residente sa syudad.
