GENERAL SANTOS CITY- Nagbangutan ang pamilya sa usa ka lalake nga namatay human matud pa misukol sa dihang gisilbi ang warrant of arrest sa kasong carnapping.
Ang namatay ang nailhan sa pangalan nga si Christopher Dungog 32, anyos nga taga Purok 6, Glammang, Polomolok, south Cotabato.
Matud pa ni Arminda Dungog, inahan sa biktima nga nasayod siya sa kasong giatubang sa iyang anak.
Sa pamahayag pa niini nga nahitabo ang maong insidente sa dihang nakaaway sa iyang anak ang amigo nga gipasinglan nga nangawat og motorsiklo.
Gikadugang pa sa inahan nga nakig-areglo na siya sa reklamante nga mibayad og P20,000 apan wala damha nga padayon pa ang kaso.
Matud pa sa inahan nga walay pusil si Christopher kung asa wala misukol sa mga pulis.
Gikadugang pa niini nga unang gidunggab sa kili-kilid ang iyang anak og gipusil sa ulo.
Ang biktima ang gabaligya og puto nga ang insidente nahitabo sa balay sa namatay.
