GENERAl SANTOS CITY – Gisaysay ni Kagawad Odjok Acharon kung unsa ang iyang nasinatian isip usa ka COVID survivor.
Sa labing unang higayon nga pagtambong niini sa session human nga nagpositibo sa COVID 19 dako ang iyang pagpasalamat sa Ginoo og sa tanan nga misuporta kaniya.
Gikadugang pa sa nasampit nga opisyal nga aduna siyay asthma og sige sa pag-ubo lang siya hangtud nga nakaangkon og hilanat og nalisdan sa pagginhawa.
Sa iyang pamahayag nga sa dihang gisugat siya sa ambulansya wala kini nasayod basin mao ang ulahing higayon nga magkita sila sa ilang pamilya.
Sa pag-abot sa gitauran siya og oxygen gumikan nalisdan nga magginhawa og nasuta nga adunay pnuemonia.
Gikatakda usab siya nga tauran og ventilator gumikan ang iyang kondisyon apan wala nadayon gumikan nag-arang -arang ang iyang paminnaw.
Sa pamahayag ni Kag. Acharon nga 21 ka adlaw siya sa ospital og nag-isolate sulod sa 14 ka adlaw og sa ulahing swab test nagnegatibo na sa COVID 19.
Gikonsidera sa maong city councilor nga milagro ang nahitabo kaniya nga gihatagan og laing kinabuhi.
Sa maong higayon iyang nasayran unsa ang importansya sa mga health workers, barangay workers og uban pa sa panahon sa pandemnya.
Dungan niini hugot ang panawagan ni Kag. Acharon nga sundon ang tanang mga health protocols aron dako ang tsansa nga makalikay sa COVID 19.
