GENERAL SANTOS CITY – Padayon ang committee hearing sa Sangguniang Panlungsod kalabutan sa organizational structure sa duha ka opisina.
Kini mao ang bag-ong Reorganizational structure sa Sangguniang Panlungsod og sa City Administrators Office.
Sa miaging duha na ka session gihisgutan atol sa second reading ang bag-ong organizational structure sa City Administrators Office apan nadesisyonan sa mga cityt councilors nga ibalik sa committee.
Kini gumikan gusto nila nga duha ang mahimong assistant administrator sama sa karaan nga istraktura.
Matud pa kang Kag. Rosalita Nuñez nga mas maayo nga magpabilin nga duha ang assistant administrator aron sayon masayran kung kinsa ang in-charge sa mga proyekto.
Gawas pa niini nga ang nahisgutang opisina ang maoy second in command sa city maoy nga nagpasabot nga tibook syudad iyang angayang tutukan.
Ang duha ka assistant administrator mao ang administration og operation. Kahibaluan nga sakop gihapon sa City Administrators Office ang operasyon sa palengke, city terminal og uban pa.
