GENERAL SANTOS CITY – Subli nga mihangyo ang City Veterinary Office sa katawhan nga magtinabangay sa kampanya batok sa African Swine Fever (ASF).
Matud pa kang Dr. Rex Calub sa City Vet nga ang kooperasyon sa katawhan ang labing gikinahanglan aron nga dili maapektuhan ang binilyon ka pesos nga industriya sa baboy.
Hangyo pa niini sa katawhan nga dili magpalusot sa pagpasulod sa mga processed pork products o laing produktong baboy.
Sa pamahayag ni Dr. Calub nga mas istrikto ang syudad gumikan duol sa GenSan ang kaso sa ASF.
Tungod niini nagdugang na usab og checkpoint sa ASF ang City Vet nga nagmuntar sa Upper Labay og sa Barangay Mabuhay.
Ang tanang mga gibaligyang karneng baboy sa syudad sa mga malls o nagkadaiyang meatshops ang gikan sa syudad.
Gumikan daghang mga lugar sa nasud ang apektado sa ASF ang GenSan ang nag-unang supplier sa produktong baboy sa kauluhan.
