GENERAL SANTOS CITY – Anaa pa lamang sa phase 1 ang construction sa walkable government center project.
Matud pa kang Engr. Emerald Signar, labaw sa City Engineers Office nga P30 million ang gigahin nga pondo alang sa phase 1 sa maong proyekto nga kasamtangan nagpadayon.
Gikadugang pa sa nasampit nga opisyal nga ang phase 1 sa proyekto mao ang drainage, sidewalks og parking area.
Ang walkable government center project ang padayon pa ang construction nga makit-an sa oval plaza.
Ang walkable government center project ang proyekto sa syudad sa kooperasyon sa United Architects of the Philippines.
Ang tumong nga ma-transform ang government center complex gikan sa oval plaza padulong sa Plaza ng Heneral Santos nga mahimong attractive, walkable, may parke nga sa laktod nga pagkasulti nga mahimong nag-unang destinasyon sa syudad nga pwesto makarelax.
Daghang mga punuan sa kahoy sa kilid nga bahin nga pwede nga makalakaw.
Ang maong proyekto ang usa sa daghang green projects ilawom sa Green GenSan Advocacy.
