GENERAL SANTOS CITY – Gikalipay pagmaayo sa mga person with disability (PWDs) dili lang dihang ilang personal nga nahimamat si Senador Manny Pacquiao apan ang nadawat nga hinabang gikan sa senador.
Gidagsa sa mga residente ang gymnasium sa Barangay Buayan dihang nasuta nga mubisita ang fighting senator sa lugar kung asa mihatag ug tag usa ka sako sa bugas sa mga PWDs.
Gawas niini mitunol usab og facemask sa mga residente kung asa nakaukit ang pangalan sa senador.
Human ang pagpang-apod apod og bugas gilayon nga mihawa si Sen. Pacquiao sa lugar.
Unang gikumpirma ni Barangay Buayan Kapitan Rogelio Solis nga gitawagan siya sa senador alang sa ipanghatag nga bugas.
Dugang pa ni Kapitan Solis nga bisan pahawa na si Pacquiao sakay sa iyang black hummer nakasunod gihapon kaniya ang daghang residente hinundgan nga gipahunong ang sakyanan.
Mikanaog ang senador og nanghatag og tag-P1,000 samtang ang uban ang nahatagan og P500.00..
