-- ADVERTISEMENT --
GENERAL SANTOS CITY – Hugot karon nga giimbestigahan sa kapulisan aron matungkad ang tinuod nga nahitabo kabahin sa gika-ingong pagpusil kang Police Staff Sgt. Joel Dela Cruz, warrant officer sa Bula Police Station.
Matud kang Police Major Ruelito Lumiguid, hepe sa Lagao Police Station ilaha pang ginasuta kung adunay pagpamusil o usa lang ka indescriminate firing ang nahitabo.
Kahinumduman nga nakaangkon ug igo pinusilan sa tudlo si Police Staff Sgt. Dela Cruz samtang anaa sulod sa iyahang sakyanan.
Gibutyag sa opisyal nga kung adunay kaso sa pagpamusil nga natigayon, posibleng usa sa mga motibo niini mao ang personal grudge.
Samtang sa karon gipaningkamutan nga makuhaan og pamahayag si Cruz kung nganong kini napusilan.
-- ADVERTISEMENT --
