GENERAL SANTOS CITY – Anaa sa kustudiya sa kapulisan ang usa ka sakop sa Civil Security Unit (CSU) sa lokal nga gobyerno sa dakbayan human nakuhaan ug dili lisensiyadong armas sa dihang gipatuman ang search warrant sa miaging September 5, 2020 sa Agan Centro, Baràngay Lagao, ning syudad.
Ang dinakpan ang nailhan sa pangalan nga si Rey Leonardo Orodio ,55, residente Lot 15 ,Block 15, Agan Centro, Baràngay Lagao.
Subay impormasyon nga gipatuman sa mga personahe sa Lagao PNP search warrant nga gi-isyu ni Hon. Judge Joyce Kho Mirabueno sa Regional Trial Court Branch (RTC) 58 sa pagpangita sa mga gihuptan niining armas nga walay mga igong mga papeles.
Narekober sa kapulisan ang usa ka kalibre .45 nga armas , duha ka magazine ug 17 ka mga bala sa .45 atol sa gipahigayong operasyon.
Dali nga gikustudiya ang CSU sa kapulisan ug gisulod sa selda.
Paglapas sa Republic Act 10591 kon illegal possession of fire arms ang kasong giatubang sa maong dinakpan
