GENERAL SANTOS CITY – Nagpahigayon ug review sa mga patient care resources alang sa coronavirus disease 2019 ang probinsya sa South Cotabato alang sa posebling pagdaghan sa kaso sa infection human gikumpirma ang local transmission.
Gani nakigkita si South Cotabato Governor Reynaldo Tamayo sa mga hospital operators aron hisgutan ang ihap sa bed capacity nga kabutangan sa Covid-19 patients.
Gihisgutan usab sa emergency meeting ang mga hospital protocols ug mga kabag-uhan nga posebling himuon aron mapalambo ang pag-atiman sa mga pasyente.
Migawas nga adunay 22 ka health facility ang probinsya ug adunay 137 ka bed ang nakatagana apan 46 lamang ang okopado kon 33.6 percent.
Samtang 118 ka lawak alang sa isolation beds ug duha lamang sa lima sa intensive care unit ang giokopa samtang 17 ka designated ward beds ang nagpabilin nga bakante.
Gani walo ka pasilidad ang naa sa “safe zone”, nga adunay 30 percent nga okopado.
