GENERAL SANTOS—–Mahuman na karong adlawa ang gipatuman nga upat ka adlaw nga lockdown sa Gensan fishport apan dili gihapon mangabli ugmang adlawa.
Matud ni Paris Ayon, Food Safety Chief sa PFDA nga sirado ugmang adlawa ang fishport complex kini tungod epektibu pa ang kamandu-an nga Sunday lockdown basi sa Executive Order number 42 nga gipatuman ni Mayor Ronnel Rivera.
Matud ni Ayon nga karong adlaw nga lunes ipatuman ang mga kabag-uhan gikan sa patakaran sa pagsulod sa gate hangtud didto sa tulo ka market.
Limitahan na usab ang mga tawo nga musulod sa market 1 lahi usab sa market 2 ug market 3.
Basi matud pa sa bag-ong patakaran mukabat lamang sa 400 ka mg atawo ang makasulod sa market 1 samtang mukapin usa ka libu ka mga tawo ang makasulod sa market ug mukapin usa ka libu usab sa market 3 Gani karong adlawa ianunsyo sa mga kadagku-an sa Philippine Fishiries Development Authority ang mga patakaran nga ipatuman.
Gawas sa bar code nga gamiton malimitahan usab ang pagsulod sa tulo ka market tungod pangitaan sila ug market pass aron sila makasulod.
Gipaklaro ni Ayon nga matag grupo usa lamang ang isyuhan ug market pass nga iagi sa card reader.
Tumong niini aron masunod ang social distancing sa lugar.
Magbutang usab ug dis infection ug sanitation area nga hugasan sa mga gisul-ob nga sapot ug PPE .
