GENERAL SANTOS CITY – Nahuman na kagahapon ang una nga level sa training sa mga medical technology kabahin sa gipangandaman nga pag-able sa molecular laboratory sa Dr. Jorge P. Royeca Hospital ning syudad.
Sumala pa kang Dr. Ryan Aplicador, chief sa hospital sa Dr. Jorge P. Royeca Hospital nga lauman nga sa sunod duha ka semana posible nga mag-operate na ang maong laboratoryo.
Gibutyag pa sa nasampit nga opisyal nga nahuman na ang na sila ug test sa mga specimen apan dili pa kini official.
Sa pamahayag pa niini nga sa pagkahuman sa training dayon nga mag-apply sila sa Department of Health kon DOH aron sayron kung sakto ba ang ilang gibuhat.
Sumala pa niini nga kong makapasa sila sa ipahigayon nga training higayon na kini nga pagatugotan nga mag-operate ang nasampit nga laboratory.
Nasayran nga human na unta ang nasampit nga laboratoryo apan nadelatar ang pag-abot sa mga supplier dinhi sa syudad human nga subli ngA gipatuman ang lockdown sa kaulohang Manila tungod sa pagsaka sa kaso sa COVID-19.
