GENERAL SANTOS CITY – Gihingusgn ni City PNP Director Col. Aden Lagradante nga gihatagan ug hugot nga atensyon ang serye sa pagpamusil patay sa dakbayan.
Matud pa niini dili adlaw adlaw ang shooting incident sa syudad apan luyo niini nakatutok ang kapulisan sa paghatag og kasulbaran.
May direktiba na siya sa mga station commanders sa walo ka presinto sa kapulisan sa syudad nga ipatuman ang hugot nga mga measures sa ilang area of jurisdiction.
Ang kinsa mang pakyas sa ilang trabaho ang i-relieve sa puwesto.
Kahibaluan nga ang labing ulahing biktima sa pagpamusil patay sa syudad mao si Joey Lacera Salado, 40 anyos usa ka driver nga residente sa Sta. Cruz, Brgy Calumpang ning siyudad.
Nasayran nga si Salado ang nag-inum kauban sa iyang mga higala, sa Santa Cruz, kung asa kalit nga niabot sa lugar ang duha ka wala mailhing lalaki sakay sa usa ka Honda XRM 125 nga wala’y plaka.
Nikana-og ang gunman gikan sa gisakyang motor ug sa walay pag duha-duha, gipabuthan niini ug pusil ang biktima.
Dali nga nisibat ang mga suspek palayo sa lugar.
Nakaangkon ug samad pinusilan sa lawas ang biktima hinungdan sa iyang hinanaling kamatayon.
Kahibaluan nga kini ang ikaduhang pagpamusil nga nahitabo karong semana sa syudad nga ang usa mao Gerald Haben nga usa Admin Guard sa usa ka shipping company nga nahimutang sa Brgy. Bawing, Gensan.
