GENERAL SANTOS CITY – Nasuta nga usa ka bomb expert ang nasikop sa kapulisan atol sa pagsilbi sa warrant of arrest sa miaging adlawng Sabado sa Purok Maguindanao, Barangay Lumakil, Polomolok, South Cotabato.
Matud pa kang Police Capt. Rommel Hitalia, deputy chief sa Polomolok PNP nga si Daryl Sumbreal nga nasikop atol sa operasyon ang miangkon nga may training sa paghimo og bomba.
Kahibaluan nga atol sa pagsilbi sa warrant of arrest upat ang patay human misukol sa kapulisan.
Gikadugang pa ni Hitalia nga kini mao silang Muad Naji, Noel Castrana, Amir Paglangan og si Otto Alangan.
Ang mga nasampit ang sakop sa Dawlah Islamiyah nga usa ka local inspired ISIS group.
Gibutyag nga sa dihang gisilbi ang warrant of arrest kang Sadan Macabangin nga may kasong murder wala ang target kung asa naabtan si Naji apan misukol sa mga pulis hinungdan nga napusilan patay.
Wala usab si Ryan Bisaya nga gaatubang og kasong murder og robbery apan naabtan ang tulo ka nga silang Castrana, og Paglangan nga may bitbit nga pusil nga misukol sa kapulisan.
Si Rod Embang nga may kasong murder og robbery ang wala sa area apan misukol si Alangan sa dihang nakit-an ang mga pulis nga napusilan nga maoy hinungdan sa iyang kamatayon.
Ang mga at large ang padayon nga gipangita sa mga pulis.
Samtang si Sumbreal ang giimbestigahan pa sa kapulisan aron masayran ang dugang detalye sa kalihokan sa grupo.
Gibutyag ni Hitalia nga si Dimas Aminola Talib nga miabush patay sa duha ka sakop sa Polomolok PNP ang kauban sa mga nasampit.
