GENERAL SANTOS CITY – Laing mga pork chorizo na usab ang nakumpiska ug gisunog sa Sarangani Provincial Veterinary Office sa direktiba ni Governor Steve Chiongbian Solon, Malungon Municipal Agriculture Office ug PNP Malungon sa pagdumala ni Mayor Tessa Constantino, PNP Region 12, National Meat Inspection Service Region 12 ug Food and Drug Administration, alayon sa padayong kampanya nga dili masudlan og African Swine Fever ug magpabiling ASF-free ang Sarangani Province.
Matud kang Dr. Bernard Cababat, ang provincial veterinarian sa probinsya human sa linibo ka kilo nga ilang nakumpiska atong bulan sa Mayo, lain na usab nga tresientos traynta kilos pork chorizo napud ang nakumpiska sa Barangay Malungon Gamay ASF border checkpoint.
Anaa sa 1,100 ka pack sa pork chorizo ang maong produkto.
Sa pamahayag ni Dr. Cababat nga samtang anaa pay outbreak sa ASF sa Region 11, nagpabilin ang kamanduan nga bawal makasulod sa Sarangani ug sa Rehiyon Dose ang mga produkto sa baboy, buhi man, karne o processed meat bisan may permit pang mapakita ang nagdala
