Gibutyag ni Sen. Manny Pacquiao nga angayang magtinabangay aron mabatukan ang padayong pagkuyanap sa COVID-19 sa nasud.
Sa pakighinabi sa Bombo Radyo GenSan, nanawagan kini sa mga katawhan nga tabangan ang kaugalingon ug dili isalig sa presidente sa nasud ang tanan.
Sa pamahayag pa sa magbabalaod nga angayang matag-usa ang mag-ampo og mangayo og giya sa Kahitas-an.
Sumala pa niini nga dili kaya ni Pangulong Rodrigo Duterte ang unsa mang buhaton kung walay panabang sa matag usa.
Ang matag usa angayang musunod sa unsa man nga ipatumang patakaran.
Sa iyang pamahayag nga nasulat sa Bibliya nga sala ang pagpatay apan mabasa sa usa ka bersikulo nga ginatugutan kini sa gobyerno basta adunay kaayuhan sa kadaghanan.
Samtang gibutyag usab sa Pambansang Kamao nga sa karon wala pa siyay plano kung kanus-a matigayon ang sunod niining engkwentro tungod nakatutok pa karon sa pagtabang sa mga katawhan nga apektado sa Covid-19.
