GENERAL SANTOS CITY – Nagpahimangno ang mga otoridad ngadto sa katawhan nga angayang nga manginabuhi og tarong aron dili mahimong alaot ang pamilya.

Kini human gideklrang patay ang usa ka tawo human namusil sa kapulisan sa dihang nanghasi sa mga residente sa Purok Mabuhay, Silway 8, Polomolok South Cotabato.

Giila ang nahisgutan nga si Crispin Gumbao Jr., 44 anyos residente sa lugar.

Base sa imbestigasyon may mitawag sa Polomolok Municipal Police Station nga nangayo ug tabang tungod armado ang nahisgutang tawo.

Pag-abut sa kapulisan una nga nagpabuto sa iyang pusil ang suspek ug dihang mibalos ang kapulisan naigo kini ug natumba.

Gidala sa tambalanan ang suspek apan gideklara kining dead on arrival.

Dihang gisusi ang patay nga lawas sa suspek nakuhaan kini ug lima ka pakete sa gituhu-ang shabu.

Nakuha usab sa crimescene ang usa ka smith and wesson revolver ug mga buhing bala nga may walo ka basiyo sa 5.56 mm .