GENERAL SANTOS CITY – Ginapaabot pa ang direksyon sa National Inter-Agency Task Force kung ibutang sa General Community Quarantine o ipabilin sa Enhanced Community Quarantine ang syudad.
Matud pa ni Mayor Ronnel Rivera, giandam na karon sa lokal nga panggamhanan ang ‘re-starting plan’ alang sa hinay-hinay nga pagbangon sa ekonomiya samtang naghulat sa mahimong kapalaran sa dakbayan kung ipadayon ang Enhanced Community Quarantine o inaog sa General Community Quarantine ang seguridad batok sa bahad sa COVID-19.
Ugaling mopailawom ang siyudad sa GCQ, posibleng ablihan ang mga mall apan dunay limitasyon ug kondisyon, sama na lang sa hugot nga pagpatuman sa social distancing ug pag-limit sa pagpasulod og mga tawo establisimento.
Posible usab nga luagan ang barangay clustering asa maka-access ang anaa sa ubang cluster sa central business district .
Matud sa mayor, karong adlawa adunay ipahigayong IATF meeting kung asa ilatag sa lain-laing mga grupo ang ilang rekomendasyon.
