GENERAL SANTOS CITY – Anaa napatik sa Inter-Agency Drug Information Database (IDID) nga kanhi PRRD list ang napatay nga suspek sa buy bust operation nga gipahigayon sa kapulisan sa Purok Malinawon, Brgy. Conel, Gen. Santos City.
Ang namatay nga suspek giila nga si Felisardo Abole Benlot alias Angkol nga residente sa maong lugar.
Matud pa ni PLtC. Lino D. Capellan, tigapamaba sa PRO-12, alas 1:25 sa hapon niadtong Dominggo nagpahigayon og hiniusasng operasyon ang mga sakop sa RPDEU12, RID12 og San Isidro Police Station kauban ang taga PDEA 12 batuk sa suspek.
Misukol matud pa ang suspek sa otoridad kung asa natigayon ang shootout nga nagresulta nga naigo ang nasampit.
Gidala kini sa ospital aron maatiman ang samad pinusilan nga naangkon apan gideklarang dead on arrival sa doktor.
