GENERAL SANTOS CITY – Dili usa ka ordinaryo lamang nga balatian ang depresyon.
Kini ang gihingusgan ni City Health Officer Dr. Jett Oco kung asa sumala pa kini ang kumon nga rason sa paghikog.
Giusa-usa ni Dr. Oco ang mga senyales sa tao nga adunay depresyon nga hinungdan sa lain laing problema.
Gihingusgan niini nga mahinongdanon nga hatagan ug atensyon ang taong may depresyon kung asa numero uno nga muhimo niini mao ang pamilya og pwedeng sangpiton ang mga kabanay, higala og mga tao nga makatambag kung unsa ang maayong solusyon sa problema.
Aging gabie dihang usa ka 15 anyos nga babaye ang mikatkat sa karaang water reservoir anaa sa 60 ka tiil ang katas-on nga nahimutang sa compound sa GenSan City Assessors Office og luwas nga narescue sa mga sakop sa BFP-Gensan og rescue team sa syudad.
Gikanayong nakasinate ug pagpangdaug-daug ang menor de edad samtang nagpuyo sa ilang panimalay sa Lansang Village Brgy. Sinawal ning syudad.
Nasayran nga samtang atoa ang babaye sa ibabaw nga bahin sa tangke sa tubig ang nadunggan ang pagpangayu niini ug pasaylo sa iyang inahan.
Kahinumduman nga may usa ka lalaki usab kaniadto ang mikatkat sa maong water reservoir og dayun miambak hinungdan sa iyang kamatayon.
