GENERAL SANTOS CITY – Dakpan ang duha ka menor de edad sa gipahigayong joint operation sa Philippine Drug Enforcement Agency (PDEA) RO XII.
Sa pagpanguna ni PDEA 12 Director Naravy Duquiatan, narescue ang duha ka lalaking menor de edad nga tigpayuhot sa illegal druga sa gipahigayong operasyon sa 025 Plaridel Street, Brgy. Poblacion, Kidapawan City, Cotabato Province.
Napalitan ang mga nasampit og medium plastic sachet sa pinauga nga dahon sa mariwana.
Nasayran nga nagpakarung-ingong usa ka poseur buyer ang usa ka pulis ug mipalit og droga.
Nakuha usab sa ilang posisyon ang 42 ka mga medium self-sealing transparent plastic cellophane nga may mariwana nga gibanabanaang may timbang nga 180 gramos nga nagkantidad sa P21,600.
Ang mga dinakpan nagpangidaron lang og 16-anyos ug 17-anyos kung asa gi-turnover na sa City Social Welfare and Development Office sa Kidapawan.
