GENERAL SANTOS CITY – Lima na ang natalang pagpamusil-patay sa dakbayan ning tuiga.
Kanhi pa nagpagawas ug kamanduan si Gensan City Mayor Ronnel Rivera sa kapulisan sa dakbayan nga sulbaron ang padayon nga pagpamatay sa dakbayan.
Gani giangkon niini nga usa kini sa nag-unang hisgutanan sa coordination nga meeting nga ginapahigayon sa syudad matag duha ka semana nga siya mismo ang manguna sa paghisgut.
Nasayod na matud pa ang kapulisan sa ilang himuon luyo nga suportado sa syudad ang mga nag-unang panginahanglanon.
Gani wala na matud pay ikamahay dinhi ang kapulisan tungod gikan sa patrol car, motorcycle, bisiklita, armas, fuel sa sakyanan ang gihatag kanila sa syudad.
Sulosyon matud pa niini nga doblehon sa kapulisan ang ilang pagbantay aron walay makalusot nga dautang elemento.
