GENERAL SANTOS CITY – Lain nga drug den na usab ang nadiskubre sa Brgy Apopong ning dakbayan pinaagi sa hiniusang pwersa sa GenSan City Police Office og PDEA Regional Office 12.
Kini human sa gihimong buy-bust operation sa may National Highway, Yu Village, Barangay Apopong ning syudad nga nagresulta sa pagkasikop sa kima ka mga tawo.
Giila ang mga nadakpan nga silang Abdul Aziz Ayob, 30 anyos; Noel Morales og Jeserhon Bagatua nga pulos targetlisted; Rodrigo Dadibo ug live-in partner niini nga si Rechie Sarabia.
Matud pa kang PDEA 12 Director Naravy Duquiatan, gipahigayon ang buybust operation sa targetlisted sa otoridad nga si Dadibo, ang branch manager sa usa ka motorparts company sa maong lugar.
Ang balay niini anaa sa sulod sa maong kompanya og dihang gisulod sa mga operatiba, naabtan ang upat katao nga nag-pot session kauban ang kapuyo nga si Sarabia.
Nakumpiska gikan sa posisyon sa mga nasampit ang lima ka sachets sa gituohang shabu kantidad og P68,000 og mga drug paraphernalia.
Sa pahayag ni Dir. Duquiatan nga dugay na nilang gipanid-an ang lugar nga matud pa usa ka drug den.
Ikaduhang higayon na may nadiskubre nga drug den sa Brgy. Apopong.
