GENERAL SANTOS CITY – Anaa na sa lokal nga punerarya ang patay nga lawas sa usa ka 18 anyos nga senior high school student human nga mabangga ang motorsiklo niini sa prime mover truck sa National Highway Purok 4 Brgy. Tinagacan ning syudad.
Patay ang nagpangalan og Bernard Bantong Jr human nga napasok likod sa trak ang gimanehong motor.
Matud pa kang PSMS Moreto Abayan, Chief Clerk sa Traffic Management Unit-GenSan nga paingon sa direksyon sa Brgy Batomelong ang motorsiklo nga paspas ang dagan dihang mibangga sa prime mover truck nga nakaparada lang sa kilid sa dalan.
Nahulog sa areglo ang aksidente tungod gipasalig ni Romeo Ensela, 53 anyos, driver sa truck nga abagahon ang pagpalubong sa biktima nga gikaingong karong Abril mugradwar na unta sa senior high school.
