GENERAL SANTOS CITY– Nagpadayon ang hot pursuit og follow-up investigation sa Polomolok Municipal Police Station sa ulahing natigayong pagpamusil patay sa ilang area of responsbility.
Sa imbestigasyon, nailhan sa kapulisan ang biktima nga si Herbert Calubad, 41 nga taga Asuncion Village Brgy Cannery Site Polomolok.
Ang bitkima trabahante sa DOLE Philippines.
Nag-inom ang biktima kauban ang upat ka higala apan kalit lang misulod sa usa ka compound ang usa ka lalaki nga nagsul-ob ug itum nga jacket og naka-bullcap og dayong gipusil ang biktima.
Gipa-hapa pa sa suspek ang mga kauban sa biktima sa lugar. Paspas nga misibat ang tirador sakay sa Honda XRM nga nagpaabot gawas sa compound.
Narekober sa kapulisan sa crime scene ang 4 ka fired cartridge og 5 slug sa .45 caliber pistol.
Blangko pa ang Polomolok Municipal Police Station sa motibo sa krimen samtang padayong giila ang motorcycle riding criminals suspects.
