GENERAL SANTOS CITY– Gisusi na karon sa kapulisan sa Makar sa pakig-alayon sa CENRO kon City Environment and Natural Resources Office kun kini ang tag-iya sa mga sinako sa uling human nga ilang nakumpiska sa baybayon nga bahin sa Purok Kulasi, Labangal ning syudad.
Gibutyag ni Police Major Ananias Vasquez sa Makar Police Station nga mukabat sa 19 ka sako ang ilang nakumpiska nga kustodiya na karon sa CENRO .
Pagbana-bana sa nasangpit nga opisyal nga mukapin sa P24,000 ang kantidad sa naasoy nga uling nga nakuha sa lugar.
Gituhu-an usab ni Vazquez nga nga giagi sa dagat ang palusot nga uling tungod ginadakop kini sa checkpoint.
Una niini, nakadawat og tawag ang kapulisann gikan sa usa ka residente nga adunay nagdiskarga ug uling sa baybayon nga bahin sa Purok Kulasi hinungdan nga gilayong girespondihan apan naabtan ang tag-iya tungod nakadagan na.
