GENERAL SANTOS CITY– Gihingusgan ni City PNP Dir. Aden Lagradante nga sugod pa sa miaging Setyembre nagpakanaug siya og direktiba sa walo ka presinto nga magpahigayon og anti-illegal gambling operations sa ilang gisakupan.
Matud ni Lagradante, alas 3 sa hapon sa matag adlaw ang matag hepe angayang may ipadalang report pinaagi sa text message nga walay bisan unsa nga matang sa ilegal nga sugal sa ilang AOR.
Gibutyag sa nasampit nga opisyal, gimando niini ngadto sa mga intelligence officers nga sutaon og berepikahon ang report kalabot sa mga tari-tari sa dakbayan.
Atol sa sesyon sa konseho kagahapon, miatubang sa mga konsehal ang City Director og namahayag kalabot sa nadawat niining sulat gikan kang Kag. Jeng Gacal kalabot sa mga tari tari sa syudad.
Nasayran nga gisaway sa mga konsehal ang maong matang sa sugal tungod wala matud pa gipangdakop sa kapulisan.
