GENERAL SANTOS CITY – Gikasuhan na sa kapulisan sa pagbaligya og paghupot og gidiling droga ilawom sa RA 9165 kun Comprehensive dangerous Drugs Act ang usa ka online seller og ukay-ukay human kini nga nadakpan sa gipahigayong drug raid sa Lantana Subdivision Barangay Cannery Polomolok South Cotabato.
Balhog karon sa selda ang nagpangalan og Benjamin Pitinis Jr nga residente sa nasangpit nga lugar.
Matud kang PLt Cyrus Arro, Deputy chief ng Regional Police Drug Enforcement Unit (RPDEU) 12, alas 8:00 niadtong Biyernes sa gabie nadakpan ang suspek kung asa naaktohan pa sa kapulisan sulod sa balay niini nga ga-repack og gidiling droga nga gituohang shabu.
Wala na makapalag pa si Pitinis dihang giposasan sa mga pulis ang mga kamot. Gikabutyag pa sa opisyal nga usa ka high-value target sa PNP ang suspek og tinubdan matud pa sa iligal nga droga sa ubang probinsya sa Socsksargen (Region 12).
Sa pahayag ni PLt. Arro nga narekober sa suspek ang walo ka pakete sa gituohang shabu nga nagkantidad og saysenta -mil pesos nga gitugyan ngadto sa PNP Crime Laboratory.
Sa pakighinabi sa maong suspek nga 30 ka tuig na matud pa niining trabaho ang pagbaligya og droga.
Giangkon usab nga gitanyag niini sa iyang mga customer sa ukay-ukay ang pagbaligya og shabu nga giagi niini sa Facebook.
