GENERAL SANTOS CITY – Wala pay nakita nga motibu ang kapulisan sa Pendatun Police station kalabutan sa pagpusil patay sa usa ka empliyado sa usa ka hardware sa syudad.
Kini tungod nagpoadayon pa ang pagkuha ug ilhanan sa duha ka suspek nga mipusil patay biktima nga Glen Pescador 36 anyos nga taga FVR village Fatima ning syudad.
Matud ni Police Capt. Abdul salam Mamalinta hepe sa Pendatun Police station nga ila pang hangyuon ang asawa sa namatay nga kuhaon ang bala nga naa sa lawas sa biktima aron mahibaw-an ang matang sa armas nga gigamit.
Kahinumduman nga gipsuil si Pescador samtang sakay sa iyang sakyanan atubang mismo sa hardware nga iyang gialagaran pasado alas singko sa hapon miaging mga adlaw.
Duha ka lalaki ang miduol sa biktima dayun gipusil ang biktima gamit ang wala matino nga matang sa armas.
Nadala pa sa ospital ang biktima apan makalabay ang 30 minutos, nakabsan kini sa kinabuhi.
