GENERAL SANTOS CITY – Usa ang patay samtang 35 ang nasikop sa One Time Bigtime operation nga gipahigayon sa kapulisan
sa Region 12 nga nagresulta sa pagkakumpiska sa 42 ka nagkalain-laing kalibre sa armas, 6 ka mga granada, 372 ka sari-sari nga
bala ug 74 ka gidudahang sachet sa druga.
Matud ni PBGen. Alfred S. Corpus, Regional Director sa Police Regional Office(PRO)12 nga nahimo kini pinaagi sa pagpagawas og
search warrant sa korte.
Matud niini nga mukabat sa tunga sa milyon ka pesos ang kantidad sa druga ang nakuha sa operasyon.
Gipahigayon kini sa Sarangani Province, General Santos City, South Cotabato, Sultan Kudarat Provincial og Cotabato Provincial
Police Office.
Matud ni Corpus nga dili lamang 78 ka search warrants ang gipagawas sa korte luyo nga aduna pay lain nga search warrant ang
gipugngan tungod gitun-an pa sa korte ang pagpagawas niini.
Gipasalamatan usab ni Corpus ang tabang sa mga sundalo nga miuban sa matag operasyon.
