ENERAL SANTOS CITY – Dugay na nga namonitor nga nalambigit sa ilegal nga droga si Alfredo Saycon Pulido Jr. nga napusilan patay atol sa drug operation.
Matud pa ni P/Major Marvin Duadua, chief of police sa Polomolok Police Station nga gipahigayon ang buy-bust operation sa miaging mga adlaw sa pakig-alayon usab sa Philippine Drug Enforcement Agency (PDEA) 12 sa Purok Maligaya Barangay Pagalungan.
Si Pulido Jr. 43 anyos, miyembro sa Provincial Security Unit sa South Cotabato ang taga New Village, Apopong ning syudad.
Napalitan ug usa ka pakete sa shabu ang nahisgutan nga nagkantidad nga P1,000.
Sumala pa sa opisyal nga nakamatikod si Pulido nga pulis ang mipalit kaniya hinungdan nga mibunot ug .38 nga pistola hinungdan nga mibalos ang kapulisan.
Narekober sa posisyon ang 14 ka sachet shabu nga kantidad og P11,000
