GENERAL SANTOS CITY – Sikop ang tulo katao nga matud pa nagpadagan sa usa ka investment scheme company sa gipahigayong entrapment operation sa kapulisan sa National Highway, Barangay Dadiangas East sa dakbayan sa GenSan.
Giila ang mga gidakop nga suspek nga silang Aileen Manahan, 35 yrs. old, may asawa og residente sa Mabuhay Road, Barangay City Heights ning syudad, Bonifacio Antonino Umambac, 31, taga Valencia City, Bukdnon og Lourdes Ceria, 56, residente sa Gensanville Subdivision Brgy. Bula, GenSan.
Matud kang Police Captain Abdulsalam Mamalinta sa Pendatun Police Station, naaktohan nga midawat og salapi gikan sa investor si Manahan nga tga-iya matud pa sa Akma Community Solutions Incorporated (ACSI) sa entrapment operation nga gipahigayon sulod sa Mang Gorio Bahay Kainan.
Ang kauban niining si Umambac nagsilbing speaker sa ilang ginahimong orientation sa investors og si Ceria usab secretary sa ACSI.
Nakuha sa mga otoridad sa operasyon ang usa ka puti nga envelope nga adunay bandol sa entrapment money, 2 laptap, 2 tablet , projector, buddle accomplished Membership form sa ACSI, Apple Notebook nga gigamit isip ledger, eco bag og tulo ka karton nga adunay unod nga Purple Corn Juice.
Ang operasyon human midangop ang usa ka Suceme Urac Clavecilla , 47 nga taga Kawas Alabel Sarangani sa City Intelligence Branch sa Camp Fermin G. Lira aron magpatabang.
Giandam na ang kasong syndicated estafa (Violation sa Article 315 ng Revised Penal Code of the Philippines ) batuk sa mga suspek nga nabilanggo sa selda.
