GENERAL SANTOS CITY – Dalhon sa Malungon Sarangani Province ang patay nga lawas sa pinakaulahing namatay sa natigayong trahedya sa Tboli South Cotabato human ang natigayong maduguong disgrasya human nga nahulog ang forward truck sa pangpang.
Si Analyn Pendatun ang ika- 22 nga namatay sa disgrasya human nga nakabsan ug kinabuhi samtang pipila ka adlaw nga anaa sa ospital ug misukol para sa iyang kinabuhi.
Nasayran nga atua sa Malungon ang mga igsuon ni Pendatun.
Ang siyam nga namatay nga biktima ang gilubong na sa Surallah aging adlawng Sabado.
Samtang nakagawas na matud pa sa ospital ang nahimong survivor nga bata luyo ang mga ginikanan ug usa niini ka igsuon ang namatay sa disgrasya.
Ang lain pang duha ka biktima nga silang Jessa Joy Gabio og Rodel Rabara, ang driver sa forward truck ang nagpabilin pa sa ospital.
