GENERAL SANTOS CITY – Ipadala sa opisina sa Optical Media Board sa Maynila ang karton-karton nga mga gipirata nga pelikula, palabas sa telebisyon apil mga musika nga nakumpiska sa Optical Media Board sa gipahigayong raid sa Central Public Market aging adlaw.
Kahibaluan nga anaa sa 16 ka stalls sa palengke ang gisulod sa OMB. Matud pa kang Joseph Arnaldo , team leader sa OMB Raiding team nga ipadala ang mga counterfeit dvds, cds og vcds sa opisina nila sa Manila.
Gilayong pang-gub-on ang mga counterfeit dvds, cds og vcds apil ang mga nakumpiskang materyales nga gigamit sa pagpamirata kung mapasaka na administrative case batok sa mga tag-iya niini.
Nasayran nga pagsupak sa balaud ang pag-download sa mga online movie lakip na ang pagkopya og pagbaligya niini nga walay permit.
