GENERAL SANTOS CITY – Subli nga gipahinuman ni Kagawad Edmar Yumang ang mga biktima sa mga investment scams nga magmakalmahon.
Matud pa ni Kagawad Yumang nga dili ibutang sa kamot ang gipangita nga hustiya.
Buot ipasabot nga dili mangransak og balay gumikan daghan ang atubangan nga kaso.
Sa iyang pamahayag nga kung mangransak og balay mag-atubang og kasong trespassing, kung magkuha og mga butang robbery samtang kung gub-on ang balay mag-atubang og kasong maliscious mischief.
Gikadugang pa niini nga inay ang balaod ang mupabor sa mga biktima og kung himoon ang sa ingon pwede kasuhan sa tag-iya sa balay.
Kahibaluan nga giransak sa mga investors ang balay sa pamilya sa founder sa NMC Trading nga si Jun Sanchez sa Lagao ning dakbayan.
Samtang lakip nga giransak usab sa katawhan ang balay sa Paluwagan Retired Movement sa Buayan kung asa gipangkuha ang mga butang nga mapuslan sama sa gamit sa balay, mga hayop lakip ang uling.
