GENERAL SANTOS CITY – Gawas sa kasong homicide, kasong administratibo pa ang atubangon ni Police Corporal Clifford Bayandan nga sakop sa San Isidro Police Station.
Kini ang gibutyag ni City PNP Director Col. Aden Lagradante human nga napasaka miaging semana ang kasong homicide isunod na usab ang kasong administratibo.
Gikumpirma usab ni Lagradante nga anaa sa floating status gihapon ang nahisgutang pulis nga kustudiya sa Public Holding and Accounting Unit sa Camp Fermin Lira.
Gibutyag nga adunay testigo nga mitudlo kang Bayandan nga nakakita ngadto kaniya sa lugar una nahitabo ang riot nga gikamatay sa biktima nga si Jay Napalit nga taga Rajah Muda Bula ning dakbayan.
Kahinumduman nga duha ang napatay sa riot gawas sa napasaradong Explore Bar nga gikamatay sa laing biktima nga si John Vincent Lopez nga taga Guadalupe Brgy. Conel ning syudad.
