GENERAL SANTOS CITY – Nagpadayon ang gipahigayong hot pursuit operation sa Malungon Municipal Police Station sa mga suspek sa pagpamusil patay sa usa ka driver human nga nangholdap sa tindahan sa Prk. Atlae Brgy. Malandag Malungon Sarangani Province.
Kahinumduman nga giila ang mga biktima nga silang Albert Lagtapon, 59 anyos nga tag iya sa Lagtapon Store ug driver niining si Nicomedez Dumarao, 42 anyos.
Sumala pa ni Police Colonel Teody Condesa, tigpamaba sa Sarangani Provincial Police Office, nangalap pa og dugang impormasyon sa mga nakakita sa insidente samtang gipalihok ang mga kapulisan sa Malungon aron matultulan ang mga responsable og mapanubag sa krimen nga nahimo.
Kahibaluan nga dayong ikyas sa mga suspek sa bukirong bahin sa lugar.
Ang mga biktima sumala pa ni Senior Supt. Condesa misukol dihang giholdap ang mga nasampit sa tindahan hinungdan nga gipamusil sa mga suspek nga naigo sa bukton ug dughan.
Gidali ug dala sa tambalanan ang mga biktima apan gideklarang dead on arrival ang driver nga si Dumarao.
Nanawagan ang kapulisan sa kinsa man nga nakakita sa krimen nga makigkooperar sa kapulisan alang sa diskripsyon sa mga suspek.
