GENERAL SANTOS CITY – Hugot gimonitor sa ginsakpan sa Philippine Drug Enforcement Agency sa rehiyon dose ang upat ka mga lugar sa North Cotabato nga adunay marijuana plantation .
Kini human gikumpirma ni PDEA-12 Director Naravy Duquiatan nga ilang gibantayan ang palusot sa marijuana sa Arakan, Pikit, Aleosan, ug Carmen nga posebling lugar sa illegal plantation sumala sa ilang mga field assets.
Matud ni Daquiatan nga ang nahisgutang druga an ginakarga ug motorsiklo ug ubang moda sa transportasyon aron dali nga mapalusot.
Sa kasamtangan presyo sa pinalaya nga dahon sa marijuana ang mapalit tali sa PHP25 hangtud PHP250 matag gramu.
Gani gibantayan usab sa mga Anti-narcotics agents ang tri-boundary sa Malungon Sarangani, Tampakan sa South Cotabato, ug Columbio, Sultan Kudarat nga gikataho nga adunay marijuana plantations nga ginamintina sa mga lawless groups.
