GENERAL SANTOS CITY – Nakatakdang dad-on sa Davao City ang usa ka Bangladeshi national nga nagtaguan sa Lumatil, Maasim Sarangani Province.
Nailhan ang nasikop nga langyaw nga si Muhammad Kamal Siddique, 51 anyos, residente sa nahisgutang lugar, kinsa nakalapas sa Immigration Law kon diin upat na matud pa ka tuig nga nagtinir sa nasud sukad pa kaniadtong Pebrero 7, 2015.
Matud pa ni Police Major Romeo Calamba ng Maasim Municipal Police Station nga dugay na nga gipangita sa balaud ang nahisgutan human nga na-expired na ang bitbit nga passport.
Nakig-alayon matud pa si Immigration Officer 2 Joyce Kandice Villaraza, allien control officer sa Bureau of Immigration Sarangani aron nga maaresto ang nahisgutan tungod sa kalapasan sa balaud.
Passport lang ang gipakita ni Siddique sa dihang nasikop kon asa kauban niini ang asawa nga si Jamela Sayed ug mga anak.
Gisuta na sa mga otoridad kung adunay koneksyon sa Anzar Al Khilaffa Philippines ang pagtago ni Siddique sa Maasim.
Gisuta na sa mga otoridad kung adunay koneksyon sa Anzar Al Khilaffa Philippines ang pagtago ni Siddique sa Maasim.
Nasayran nga sa maong lugar nag-operate si Muhammad Tokboy Maguid ang lider sa maong teroristang grupo nga napatay sa encounter.
Ang maong grupo usab ang Local ISIS-inspired group nga nag-operate sa Sarangani Province.
