GENERAL SANTOS CITY – Gilayong giproseso sa Malungon Municipal Police Station ang pagpasaka ug kasong pagsupak sa Comprehensive Firearms Law and Ammunition batuk sa usa ka sakop sa New Peoples Army (NPA)human masakpan sa pagbitbit ug armas.
Matud pa ni P/Supt. Ramon Gencianos sa maong presinto nga kaso ang atubangon sa nagpangalan og Carlito Licastang, 33 anyos, ulitawo nga taga Kihan, Malapatan Sarangani tungod sa nakuha kaniya nga armas.
Nasayran nga usa ka laborer sa Fishport ang nahisgutan samtang igsuon usab ni NPA Kumander Michael Tang alias Kumander Sniper nga nagsurender na sa kapulisan.
Kahinumduman nga usa ka homemade single shot caliber 45 pistol nga adunay siyam ka mga bala ang nakumpiska sa kapulisan kay Licastang nga kasamtangang himas-rehas karon sa naasoy’ng presinto.
