GENERAL SANTOS CITY – Giandam na sa Sarangani Police Provincial Office ang kasong kriminal ug administratibo batok sa usa ka pulis sa Malapatan nga karon na-relieve na human matud pa nagmaoy sulod sa sabungan.
Kahibaluan nga ang naasoy’ng pulis giilang si Police Senior Master Sergeant Ramil Rafanan. Sa pakighinabi sa Bombo Radyo kang P/Lt/Col. Teody Condesa, tigpamaba sa SPPO, base sa report, gireklamo ang nahisgutang pulis sa nagpangalan ug Mr. Dupalco.
Nagkalalisay matud pa si Mr Dupalco ug sa usa ka kristo sa sabungan.
Gibaharan usab matud pa siya niini hinungdan nga iyang gi-report sa kapulisan.
Nakurat na lamang ang mga miresponde nga sakop sa Malapatan Municipal Police Station dihang nakita nga kauban nila ang gireklamo ni Mr. Dupalco.
Sa karon, anaa na sa restrictive status si Rafanan, ug naka-assign na sa Sarangani Provincial Mobile Force.
